माळशिरस (बंडखोर वृत्तसेवा): एससी समाजाला हक्काच्या जागेवरून डावलून स्वतःला पुरोगामी म्हणून मिरविणाऱ्या शरद पवारांनी माळशिरस विधानसभा मतदारसंघातून धनगर समाजातील उत्तम जानकर या जातचोरास एससी समाजाच्या बोगस दाखल्यावर उमेदवारी दिली आहे. त्यामुळे त्यांच्याविरुद्ध माळशिरस तालुक्यात संतापाची लाट उसळली असून जातचोर उत्तम जानकर व मोहिते पाटलांची मक्तेदारी संपविण्यासाठी माळशिरस तालुक्यात कमळ फुललेच पाहिजे अशी चर्चा माळशिरस तालुक्यातील एससी समाजातून होताना दिसत आहे.

२००९ साली माळशिरस विधानसभा मतदारसंघ एससीसाठी राखीव झाल्यानंतर उत्तम जानकर यांनी एससी समाजाच्या बोगस जातीच्या दाखल्याआधारे निवडणूक लढवली होती. तर मोहिते पाटलांनी स्थानिक कार्यकर्त्यांना डावलून स्व. हनुमंतराव डोळस या मुंबईस्थित उमेदवाराला आमदार केले होते. सलग दोन टर्म स्व. हनुमंतराव डोळस आमदार म्हणून राहिले. पण त्यांनी एकही काम स्वतंत्र विचाराने केले नाही. मोहिते पाटील सांगतील तीच कामे स्व. हनुमंतराव डोळस करीत असत. ज्या गावातून विरोध आहे त्या गावांना मोहिते पाटील जाणीवपूर्वक विकासापासून वंचित ठेवत असत. एकप्रकारे एससी समाजाचा आमदार म्हणजे मोहिते पाटलांचा रबर स्टॅम्पच असे. केवळ नावालाच एससीचे आमदार होते. मात्र आमदार रामभाऊ सातपुते यांनी अवघ्या पाचच वर्षात मोहिते पाटलांनी विकासापासून वंचित ठेवलेल्या गावांचा कायापालट करुन सर्व तालुक्याला समान न्याय दिला. पूर्व भागातील बहुतांश लोकांची त्यांनी कामं केली. काम घेऊन कुणीही आला तरी त्याची कसलीही चौकशी न करता आमदार रामभाऊ सातपुते त्यांची कामे तात्काळ मार्गी लावत असत. आमदार रामभाऊ सातपुते यांनी विरोधात मतदान केलेल्या लोकांनाही मदत केली. म्हणूनच तर ते सर्वांना आपलेसे वाटतात. लोकप्रतिनिधी हा कुठल्याही एका पक्षाचा नसतो, तर जनतेचा असतो हे त्यांनी जनतेला दाखवून दिले. मात्र आता आजपर्यंत बौध्द व मातंगांना संधी न देणारे मोहिते पाटील एका जातचोराला आमदार करण्यासाठी लोकांच्या दारात जात आहेत. जातचोर उत्तम जानकरांची आजपर्यंतची पार्श्वभूमी बघितली तर ते आपल्या सहकाऱ्यांचे राहिले नाहीत, तर मग जनतेचे काय राहणार? मोहिते पाटलांनी जनतेच्या हिताचे राजकारण न करता स्वहिताचे राजकारण करीत स्वाहाकार केला. तर जातचोर उत्तम जानकर यांचेही संधीसाधूपणाचेच राजकारण आहे हे आजपर्यंत लोकांनी पाहिलेच आहे. ना मोहिते पाटलांना जनतेचे देणेघेणे, ना उत्तम जानकरांना! आपल्या सोयीसाठीच या दोघांची अनैसर्गिक युती झालेली आहे. त्यामुळे जातचोर उत्तम जानकरांना आमदार करणे म्हणजे पुन्हा एकदा माळशिरस तालुक्यात गुंडांच्या, दहशतीच्या राजकारणाला चालना देण्याचाच प्रकार आहे. एकंदरीत भाजपाने एससी समाजात घुसखोरी करणाऱ्या जातचोर उत्तम जानकरांना रोखण्याची व माळशिरस तालुक्याला दहशतमुक्त करण्याची सुवर्णसंधी दिलेली आहे. त्यामुळे या संधीचे सोने करुन जातचोर उत्तम जानकर व मोहिते पाटलांची मक्तेदारी संपवलीच पाहिजे! आमदार रामभाऊ सातपुते यांचा गत पाच वर्षांतील विकासकामांचा अनुभव, आरोग्यदूत म्हणून निर्माण केलेली ओळख लक्षात घेऊन माळशिरस तालुक्याचा कायापालट करण्यासाठी व जानकर आणि मोहिते पाटलांची मक्तेदारी संपविण्यासाठी पुन्हा एकदा माळशिरस तालुक्यात कमळ फुललेच पाहिजे असा सूर जनतेतून निघत आहे. दरम्यान जानकरांसाठी मोहिते पाटलांनी एवढी जान का ओतली आहे? कारण दोघेही प्रस्थापित आहेत, दोघेही श्रीमंत आहेत. एका प्रस्थापिताने दुसऱ्या प्रस्थापितासाठी उभारलेला हा लढा म्हणजे नियोजनबध्द षडयंत्रच आहे. असा प्रश्न जनतेतून उपस्थित केला जात आहे.