अकलूज (बंडखोर वृत्तसेवा): भारत देशातील कुख्यात गँगस्टर लॉरेन्स बिश्नोई याच्यावर 33 गुन्हे दाखल आहेत, तर धैर्यशील मोहिते पाटील यांच्यावर अकलूज पोलिस स्टेशनमध्ये 31 गुन्हे दाखल आहेत. प्लेटो या विचारवंताच्या मते राजकारणी हा विवेकी आणि विचारवंत असावा. पण धैर्यशील यांच्या जीवनात सदाचाराचा सूर्य कधी उगवलाच नाही. त्यामुळेच त्यांचे क्रिमिनल रेकॉर्ड चिंताजनक आहे. धैर्यशील यांनी निवडणूक फॉर्म भरताना सदर गुन्ह्याची यादी जोडताना पुरवणी वापरावी लागली. त्यामुळे धैर्यशील निवडून आले तर माढा मतदारसंघात गुन्हे आणि भ्रष्टाचारांची उद्याने भरभरून तर फुलणार नाहीत ना? एकंदरीत यांचे क्रिमिनल रेकॉर्ड पाहिल्यास धैर्यशील मोहिते पाटील हे माढा लोकसभा मतदारसंघातील लॉरेन्स बिश्नोई आहेत अशी चर्चा सर्वसामान्य जनतेतून होत आहे.

२०१४ मध्ये माजी उपमुख्यमंत्री विजयसिंह मोहिते पाटील राष्टवादीकडून उमेदवार म्हणून निवडून येताना माढ्याचे बबनराव शिंदे, संजयमामा शिंदे हे दोन्ही बंधू विजयदादांच्या बाजूने होते. सोलापूर जिल्ह्यातील आर्यचाणक्य पंढरपूरचे परिचारक, करमाळ्याचे बागल आणि जगताप दोन्ही गट विजयसिंह मोहिते पाटलांच्या पाठीशी खंबीरपणे उभे होते. सांगोल्यात स्वर्गिय गणपतराव देशमुखांची ताकद पाठीमागे होती. या सकारात्मक घटकांचा धैर्यशील यांनी आज तरी विचार केल्याचा दिसत नाही. विजयदादांच्या विरोधात स्वाभिमानी शेतकरी संघटनेचे सदाभाऊ खोत हे चळवळीतील व्यक्ती होते. जनतेकडून वर्गणी गोळा करून निवडणूक खर्च भागविणारे होते. आज परिस्थिती उलट आहे. महाराष्ट्रातील तीन नंबरचे सर्वात श्रीमंत खासदार म्हणून रणजितसिंह नाईक निंबाळकरांचा समावेश आहे. धैर्यशील यांच्यापेक्षा दहापट संपत्तीचा निवडणूक फॉर्ममध्ये उल्लेख केलेला आहे. सदुभाऊ खोत हे मनी पॉवर आणि मॅन पॉवर यामध्ये कमी पडले होते. माढा मतदारसंघात नऊशे गावात प्रचार करण्यासाठी खोत गाड्या सुध्दा देऊ शकले नाहीत.
खोत यांच्यासाठी मोदी आणि गडकरी यांच्या विराट सभा झालेल्या नव्हत्या. परंतु २०२४ मध्ये पंतप्रधान नरेंद्र मोदी, केंद्रीय मंत्री नितीन गडकरी आणि उपमुख्यमंत्री देवेंद्र फडणवीस यांनी या मतदारसंघाकडे विशेष लक्ष दिले आहे.

खा. शरद पवारांच्या माढा मतदार संघात सर्वात जास्त सहा सभा झालेल्या आहेत. बारामती मतदारसंघात पाच सभा पवारांच्या झालेल्या आहेत. कारण पवारांनी केलेल्या सर्वेक्षणामध्ये माढा महायुती जिंकण्याचा रिपोर्ट आहे. पवार सभेत काय बोलतात हे जनतेला फारसे समजत नाही. वय आणि आजारामुळे कदाचित असेल, परंतु मोदी, गडकरी, फडणवीस यांच्या सभांना मिळालेला उदंड प्रतिसाद या जमेच्या बाजू आहेत. अकलूजमधील पवारांच्या सभेत गर्दी जमविण्यासाठी अकलूजमधील गाळे धारकांवर दबाव आणि दहशत यामुळेच धैर्यशील यांचा पराभव निश्चित मानला जात आहे. सोलापूर जिल्ह्यातील सर्वात मोठे मेडीकल हब म्हणून अकलूजला ओळखले जाते. त्याच उच्च विद्याविभूषित डॉक्टरांकडून कोट्यवधीचा निवडणूक निधी गोळा करण्यात आला. माळीनगरच्या सभेत खा. रणजीतसिंह नाईक निंबाळकरांनी याचा उल्लेख “खंडणी”असा केलेला आहे. त्यामुळे संबधित पोलिस यंत्रणा, निवडणूक आयोगातील अधिकारी याची कसून चौकशी करून संबधितांवर कारवाई करतील का? शिक्षण प्रसारक मंडळातील शिक्षकांना दबावतंत्राचा वापर करून गळ्यात तुतारीचे स्कार्फ अडकवून प्रचार करायला भाग पाडणारे स्वयंघोषित जाणते राजे यांच्यावर सुध्दा कारवाई होऊ शकते (शिक्षक सहभाग हे नगरपरिषदेच्या सीसीटीव्ही फुटेजमध्ये सेव्ह आहे ते डिलीट करण्याचा प्रयत्न केला तर संबंधित नगरपरिषदेतील अधिकाऱ्यांवर दखलपात्र गुन्हा होऊ शकतो). दहशत, दबाव, खुनशी स्वभाव, कपट कारस्थाने याचे दुसरे नाव म्हणजे धैर्यशील मोहिते पाटील. त्यामुळेच ३१ गुन्हे दाखल असलेल्या धैर्यशील मोहिते पाटील यांना माढा मतदार संघातील लॉरेन्स बिश्नोई म्हटले तर वावगे ठरणार नाही. हा अकलूजचा लॉरेन्स बिश्नोई खासदार झाला तर माढा लोकसभा मतदारसंघासाठी हा काळ खूपच धोकादायक असेल असे अकलूजसह परिसरातील लोकांतून बोलले जात आहे.