डॉ. अनिकेत देशमुखच्या उमेदवारीने तुतारीचा आवाज बेसूर होणार!
By बंडखोर न्यूज माढ्याची खरी लढत खा. निंबाळकर विरूद्ध अपक्ष डॉ. अनिकेत देशमुख यांच्यातच होणार
माढा (बंडखोर वृत्तसेवा): माढा लोकसभेला शेकापचे डॉ. अनिकेत देशमुख हे राष्ट्रवादी काँग्रेस शरद पवारगटाकडून इच्छुक होते. त्यांनी खा. शरद पवारांची भेटही घेतली होती. मात्र तुतारीवर धैर्यशील मोहिते पाटलांना उमेदवारी मिळविण्यात शिवरत्न यशस्वी झाल्यानंतर डॉ. अनिकेत देशमुख यांनी माढा लोकसभा मतदारसंघातून अपक्ष उमेदवारी अर्ज दाखल करण्याचा निर्णय घेतला आहे. त्यामुळे तुतारीचा आवाज बेसूर होणार असून माढा लोकसभा मतदारसंघात खासदार रणजितसिंह नाईक निंबाळकर विरूद्ध डॉ. अनिकेत देशमुख अशीच लढत होईल असे राजकीय जाणकारांतून बोलले जात आहे.
माढा लोकसभा मतदारसंघात स्वर्गिय आमदार गणपतराव देशमुख यांना मानणारा प्रचंड जनसमुदाय, शेकापचासांगोल्यात असणारा बालेकिल्ला आणि माढा लोकसभा मतदारसंघात धनगर समाजाची पाच लाख मतदार संख्या ही अपक्ष उमेदवार डॉ. अनिकेत देशमुख यांची फार मोठी बलस्थाने आहेत. त्यामुळे डॉ. अनिकेत देशमुख यांनी आपला अपक्ष उमेदवारी अर्ज दाखल केल्यावर म्हणून माढा लोकसभा मतदारसंघातील राजकीय समीकरणे बदलणार आहेत. स्वच्छ प्रतिमा, उच्च विद्याविभूषित, पाठीमागे असलेला शेकापचा जनाधार आणि माढा लोकसभा मतदारसंघातील लोकसंख्येत प्रथम क्रमांकावर असलेला धनगर समाज यामुळे तुतारीचा आवाज बेसूरहोणार यात काही शंकाच नाही. माढा लोकसभा मतदार संघात खरी लढत भाजपाचे खा. रणजितसिंह नाईक निंबाळकर आणि शेकापचे अपक्ष उमेदवार डॉ. अनिकेत देशमुख यांच्यातच होणार असल्याने व सांगोल्यात विद्यमान आमदार शहाजीबापू पाटील, माजी आमदार दिपक साळुंखे हे निंबाळकरांची बलस्थाने असल्याने धैर्यशील मोहिते पाटील यांचा पराभव होण्याची दाट शक्यता राजकीय जाणकारांतून वर्तविली जात आहे. उपमुख्यमंत्री देवेंद्र फडणवीस यांच्या सोलापूर दौऱ्यात हॅलिपॅडवर जाताना चालकाला उतरवून आमदार प्रशांत परिचारक हे गाडीच्या स्टेरींगवर होते. माढ्याचे आमदार बबनराव शिंदे आणि मोहोळचे सर्वेसर्वा माजी आमदार राजन पाटील हे एकाच गाडीतून जाताना राजकीय व्युहरचना तर निर्माण झाली नाही ना? काहीही करून माढ्याची जागा भाजपाला जिंकायचीच आहे. त्यामुळेच येणाऱ्या काळात प्रचंड राजकीय उलथापालथ होणार आहे असे राजकीय जाणकारांचे भाकीत आहे. धैर्यशील मोहिते पाटील मात्र तिसऱ्या स्थानावर राहतील. खरी लढत खा. रणजितसिंह नाईक निंबाळकर विरूद्ध डॉ. अनिकेत देशमुख अशीच राहील असे बोलले जात आहे.
