पांडुरंगभाऊ देशमुख यांची गिताई एजन्सी पेटली की पेटविली?
By बंडखोर न्यूज अकलूज (बंडखोर वृत्तसेवा): माजी आमदार चांगोजीराव देशमुख यांचे सूपुत्र व कृषी उत्पन्न बाजार समितीचे माजी उपसभापती पांडुरंगभाऊ देशमुख यांच्या गणेशनगर येथील गिताई एजन्सीला नुकतीच आग लागली. सदरच्या आगीत प्रचंड प्रमाणात आर्थिकदृष्ट्या नुकसान झाले. सहा संगणक, स्पेअर पार्ट, पीव्हीसी, फर्निचर असे लाखो रूपयांचे साहित्य जळून भस्मसात झाले. अग्निशामकच्या साह्याने सदर आग जरी विझविण्यात यश आले असले तरी झालेल्या प्रचंड आर्थिक नुकसानीमुळे अकलूज परिसरातील नागरिकांमधून हळहळ व्यक्त केली जात आहे. यादरम्यान सदरची आग शॉर्ट सर्किटमुळे लागली? की लावण्यात आली? अशी चर्चा अकलूज परिसरात सुरू आहे.
लोकसभेचे वारे जोमाने वाहत असताना या विषारी वाऱ्याने तर पेट घेतला नसेल ना? परंतु गेले कित्येक वर्षे राजकारणापासून अलिप्त असणारे आणि कुठल्याही राजकारणात सक्रिय नसणारे, शांततापूर्वक जीवन जगणारे पांडुरंगभाऊच्या गिताई एजन्सीची आग विझली तरी धग मात्र कायम आहे. दरम्यान आग लागली की लावण्यात आली? याचा शोध संबधित पोलिस यंत्रणा घेतील का?
