पुणे महानगरपालिकेचे भ्रष्टाचारी प्रशासक आयुक्त विक्रम कुमार यांची बदली!

पुणे (बंडखोर वृत्तसेवा): पुणे महानगरपालिकेचे भ्रष्टाचारी प्रशासक आयुक्त यांची कारकीर्द वादातीत राहिली असून अनेक भ्रष्टाचारांमध्ये यांचे नाव आलेले आहे. त्यामुळे यांची बदलीची मागणी करण्यात आलेली होती. त्या मागणीस सर्व सामाजिक कार्यकर्त्यांना यश मिळाले आहे व एकदाची पारदर्शक कामाची गार गार हवा पुण्याला लागणार आहे. म्हणूनच पुणे मनपा परिसरातील सामाजिक कार्यकर्ते आयुक्त विक्रमकुमार यांच्याबद्दल बोलताना आता कसं वाटतंय गार गार वाटतंय असे म्हणत आहेत. तर अतिरिक्त आयुक्त रवींद्र बिनवडे यांची कधी बदली होतेय? व पुण्यात पारदर्शक कारभार कधी सुरू होतोय? याची पुणेकर वाट बघत आहेत.
अतिरिक्त आयुक्त रवींद्र बिनवडे यांनाही पुणे महानगरपालिकेत तीन वर्षे झालेली आहेत. मात्र त्यांनी मुदतवाढ घेतलेली असून त्यांची मुदत वाढ रद्द करण्यात येऊन त्यांच्या भ्रष्टाचारांची चौकशी करण्यात यावी व त्यांना निलंबित करून त्यांच्यावर फौजदारी गुन्हे दाखल करण्याबरोबरच त्यांची तात्काळ पुणे महानगरपालिकेतून बदली करण्यात यावी. महाराष्ट्र शासनाने विक्रमकुमार यांची बदली केली असून त्यांची नियुक्ती अतिरिक्त महानगर आयुक्त मुंबई महानगर प्रदेश विकास प्राधिकरण मुंबई या रिक्त पदावर ते पद अधिकारी वेतनश्रेणीत करून केली आहे व त्यांच्या जागी डॉ. राजेंद्र भोसले भा.प्र.से. यांची नियुक्ती केली आहे. तरी विक्रमकुमार यांनी सध्याचा पदभार डॉ. राजेंद्र भोसले यांच्याकडे सोपवून नवीन पदाचा कार्यभार आशिष शर्मा भाप्रसे यांच्याकडून त्वरित स्वीकारावा असे आदेश नितीन गद्रे अप्पर मुख्य सचिव (सेवा सामान्य प्रशासन विभाग) मंत्रालय मुंबई यांनी दिनांक 15/3/2024 रोजीच्या पत्रान्वये दिलेले आहेत. त्यामुळे पुणेकरांनी सुटकेचा निःश्वास सोडला असला तरी अतिरिक्त आयुक्त रवींद्र बिनवडे यांची बदली कधी होतेय याकडे पुणेकर डोळे लावून बसले आहेत.