माळशिरस (बंडखोर वृत्तसेवा): माळशिरस शहरातील सिद्धार्थ नगर येथे पदवीधर मित्र परिवाराच्या वतीने महाराष्ट्र लोकसेवा आयोगाच्या परीक्षेमध्ये अनुसूचित जाती प्रवर्गामध्ये प्रथम येऊन उपजिल्हाधिकारी या पदावर निवड झालेले सोलापूर जिल्ह्याचे सूपुर्त्र आयु. गंगाधर गौतम होवाळे यांचा नागरी सत्कार जाहीर आला.

या कार्यक्रमाच्या अध्यक्षस्थानी माळशिरस पोलीस ठाण्याचे एपीआय श्री. दत्ताजीराव मोहिते हे होते. त्यांच्या हस्ते आयु. गंगाधर गौतम होवाळे यांचा नागरी सत्कार करण्यात आला. त्याचबरोबर त्यांच्या हस्ते इतर प्राविण्य प्राप्त परीक्षार्थी कु. रत्नप्रभा दीपक धाईंजे हिची सातारा जिल्ह्यामध्ये आरोग्य अधिकारी म्हणून निवड झाल्याबद्दल सौ. प्रज्ञा प्रमोद धाईंजे यांची महाराष्ट्र शासनाच्या वैद्यकीय विभागात निवड झाल्याबद्दल, अस्लम शेख यांची मुंबई पोलिस म्हणून निवड झाल्याबद्दल तर आयु. योगेश पोरे यांची सहाय्यक सरकारी वकील म्हणून निवड झाल्याबद्दल व आयु. मनोज मिलींद धाईंजे व कु. वैशाली कांबळे यांनी कायद्याची पदवी संपादन करून कु. वैशाली कांबळे यांनी सिद्धार्थनगर मधील पहिली महिला वकील होण्याचा मान संपादन केल्याबद्दल त्यांना विशेष नागरी सत्काराने सन्मानित करण्यात आले.

यावेळी उपजिल्हाधिकारी म्हणून निवड झालेले आयु. गंगाधर गौतम होवाळे हे नागरी सत्काराला उत्तर देताना म्हणाले की, हा सत्कार माझ्यासाठी सतत एक प्रेरणा देणारा स्त्रोत राहील. कोणताही महत्वाचा आर्थिक स्रोत कुटुंबाकडे नसताना, घरामध्ये कोणीही शिक्षित नसताना वेळप्रसंगी वेठबिगारी करून त्यांनी हे यश संपादन केले. या कार्यक्रमासाठी माळशिरस शहरातील विविध क्षेत्रातील मान्यवर, वकील, विद्यार्थी व नागरिक उपस्थित होते. कार्यक्रमाचे प्रास्ताविक प्रा. विशाल ओव्हाळ यांनी केले तर सूत्र संचालन ॲड. सुमित सावंत यांनी केले असून आभार ॲड. नितीन भोसले यांनी मानले. या कार्यक्रमाच्या यशस्वीतेसाठी स्टेट बँक ऑफ इंडियाचे सर्कल अधिकारी श्री. सुशीलकुमार धाईंजे, युनियन बँकेचे मनेजर श्री. विशाल सोनवणे, कोर्ट कर्मचारी श्री. नागराज धाईंजे, शरद धाईंजे, ॲड. सुमित सावंत, नगरसेवक आकाश सावंत, नगर पंचायत कर्मचारी विशाल सावंत आदींनी प्रयत्न केले.