धैर्यशील मोहिते पाटलांच्या नातेपुतेतील जनता दरबाराचा उडाला फज्जा

नातेपुते (बंडखोर वृत्तसेवा): माजी आमदार रामभाऊ सातपुते यांनी जनता दरबाराच्या माध्यमातून लोकांची कामे केल्याने त्यांना माळशिरस तालुक्यातून अभूतपूर्व प्रतिसाद मिळत आहे. पश्चिम भागातील लोकांच्या गळ्यातील ते ताईत झाले असून काहीजण त्यांना देव मानत आहेत. त्यातच माळशिरस विधानसभा मतदारसंघात मोहिते पाटील व जानकर यांची युती असताना एकट्याच्या बळावर रामभाऊ सातपुते यांनी १ लाख ०८ हजार ५५६ मतं मिळविल्याने उत्तम जानकरांसह मोहिते पाटलांच्या पायाखालची जमीन सरकली आहे. म्हणूनच त्यांनी रामभाऊ सातपुते यांच्याप्रमाणे नातेपुते याठिकाणी जनता दरबार घेण्याची नक्कल केली, मात्र त्याठिकाणी लोकांनी प्रतिसाद न दिल्याने व तिथेच काहीजणांनी सुमित्रा पतसंस्थेतील पैसे मागितल्याने रामभाऊंची नक्कल करायला गेलेल्या खासदार धैर्यशील मोहिते पाटलांना चांगलीच अक्कल आल्याचे नातेपुते परिसरातील लोकांतून बोलले जात आहे.
मोहिते पाटलांच्या राजकीय कारकिर्दीत कधीही जनता दरबार भरवला नाही. शिवरत्न बंगल्यावरच ठराविक कार्यकर्त्यांच्या बैठका घेऊन मोहिते पाटलांनी राजकारण केले. राजा बोले, दल हाले या पध्दतीने मोहिते पाटलांनी आपली सत्ता राबविल्याने दहशतीत राहून अनेक लोक इच्छा नसतानाही मोहिते पाटलांचे काम करीत असत. कारण कुणी मोहिते पाटलांच्या विरोधात काम करतंय असे दिसले की, त्याचा कार्यक्रम झालाच म्हणून समजा. त्या कार्यकर्त्यासमोर आपल्या समर्थकांमार्फत अनंत अडचणी निर्माण करणे, त्याला मारहाण करणे, वेळप्रसंगी खून करणे (विधानसभा निवडणुकीच्या पार्श्वभूमीवर आमदार उत्तम जानकर यांनी धैर्यशील मोहिते पाटील यांच्यावर काही खून केल्याचा आरोप केलाच आहे. तसेच प्रमोद पवार खून प्रकरणात प्रविण उर्फ पंपू भोसले यांचा धैर्यशील मोहिते पाटील यांच्या विरोधात जबाब झालेलाच आहे.), त्याला खोट्या गुन्ह्यात अडकविणे, सर्व स्तरांतून त्याची नाकेबंदी करणे ही कामे मोहिते पाटील अत्यंत खुबीने करीत असत. त्यातच जयसिंह मोहिते पाटील व धैर्यशील मोहिते पाटील हे अत्यंत खुनशी राजकारणी! त्यामुळे या दोघांसमोर जाताना लोक घाबरत घाबरतच जात असतात. दरम्यान मोहिते पाटलांनी लोकांच्या प्रश्नांवर नव्हे, तर दहशतीच्या जोरावर राजकारण केले आहे. कालकथित आमदार हनुमंतराव डोळस हे दहा वर्षे माळशिरस तालुक्यात आमदार म्हणून राहिले. तेव्हा त्यांनी एकदाच जनता दरबार घेतला होता. त्यानंतर मोहिते पाटलांनी त्यांना कधीही जनता दरबार घेऊ दिला नाही. खासदार धैर्यशील मोहिते पाटलांनी शिवरत्न मोटर्स व सध्याचे त्यांचे शिवशंकर बझार शेजारील ऑफिस याशिवाय जनतेत मिसळून कधीही अडचणी जाणून घेतल्या नाहीत. सभोवताली बिनअकलेचे सल्लागार बाळगून त्यांनी सूडबुध्दीचेच राजकारण केले. मात्र २०१९ साली आमदार झाल्यानंतर रामभाऊ सातपुते यांनी माळशिरसमध्ये सातत्याने जनता दरबार भरवून लोकप्रतिनिधी व जनता यांच्यामधील दरी कमी केली. जो येईल त्याचे काम, मग तो आपला असो की परका! शिवरत्नवर तसे कधीच नव्हते. आपल्याविरोधात काम करणाऱ्यांची जिरविण्यासाठीच मोहिते पाटलांनी आपल्या सत्तेचा वापर केला. रामभाऊ सातपुते यांनी आरोग्यदूत म्हणून काम करताना कित्येक लोकांचे जीव वाचविले. पिढ्यानपिढ्या विकासांपासून वंचित राहिलेल्या मोहिते पाटील विरोधातील गावांचा त्यांनी कायापालट करून त्याठिकाणी विविध सोयीसुविधा उपलब्ध करून दिल्या. त्यामुळे रामभाऊ सातपुते यांचे काम पाहून जनता त्यांना डोक्यावर घेणारच ना! हे हुकूमशाही प्रवृत्तीच्या मोहिते पाटलांना कसे पटणार? मग रामभाऊंवर त्यांनी आपले काही भाटही सोडून पाहिले. परंतु त्याचा काही फरक दिसेना म्हणून राजकीय चक्रव्यूहात सापडलेल्या खासदार धैर्यशील मोहिते पाटील यांनी नातेपुते याठिकाणी जनता दरबार घ्यायचा निर्णय घेतला. मोहिते पाटलांचं हे वागणं जनतेसाठी नवीनच ना! यादरम्यान आपणास जनतेचा प्रतिसाद मिळेल असे धैर्यशील मोहिते पाटलांना वाटत होते. परंतु त्यांचे कार्यकर्ते सोडले तर व सुमित्रा पतसंस्थेचे पैसे मागायला आलेले काही लोक सोडले तर त्याठिकाणी बोटावर मोजण्याइतकेच लोक आल्याने उगीच केली नक्कल आणि विकत घेतली अक्कल अशी परिस्थिती खासदार धैर्यशील मोहिते पाटील यांची झालेली दिसत होती.