योग्य उत्तर न आल्यास भाजपातून होणार हकालपट्टी

अकलूज (बंडखोर वृत्तसेवा): 2024 च्या लोकसभा निवडणुकीत भाजपाचा तळागाळातील प्रत्येक कार्यकर्ता, नेता झोकून देऊन भाजपा उमेदवारासाठी प्रचारात काम करताना पक्षश्रेष्ठींना दिसला. मात्र पंतप्रधान नरेंद्र मोदी यांच्या माळशिरसच्या सभेत आणि उपमुख्यमंत्री देवेंद्र फडणवीस यांच्या अकलूजमधील सभेत
शरद पवारांच्या राष्ट्रवादीच्या तुतारीसाठी आमदार रणजितसिंह मोहिते पाटील जाणीवपूर्वक आणि हेतूपूर्वक निष्क्रिय राहिले. यालाच ग्रामीण बोलीभाषेत “वरातीत घोड लंगड” असे म्हटले जाते. त्यामुळे भाजपाकडून आमदार रणजितसिंह मोहिते पाटील यांना लवकरच कारणे दाखवा नोटीस मिळणार असून या नोटीसला योग्य उत्तर न आल्यास रणजितसिंह मोहिते पाटील यांची भाजपातून हकालपट्टी करण्यात येणार असल्याचे खात्रीशीर सूत्रांकडून सांगण्यात आले.

भाजपात तळागाळातील कार्यकर्ता, राष्ट्रीय स्वयंसेवक संघातील कार्यकर्ता हे घरची भाकरी बांधून आणून प्रचार करतात. त्यांच्या ठायी असते पक्षनिष्ठा, पक्षप्रेम आणि संघटनात्मक संघटन शक्तीवरील आस्था. मात्र आमदार रणजितसिंह मोहिते पाटलांची निवडणुकीतील एकंदर वर्तणुक शंकास्पद, पक्षविरोधी कारवायात मोडते. भाजपा हा शिस्तबद्ध पक्ष आहे. तळागाळातील कार्यकर्त्यांमध्ये चुकीचा संदेश जाऊ नये. कोणी कितीही मोठा असला तरी पक्षविरोधी कारवाया, निष्क्रियपणा,

इतर पक्षांना फायदा होईल अशी विचारधारा भाजपात ठेचून काढली जाते. भाजपात त्यांना स्थान दिले जात नाही. आमदार रणजितसिंहांची ही पंतप्रधान नरेंद्र मोदी यांच्याशी केलेली गद्दारी आहे, गृहमंत्री अमित शहा
यांच्याशी केलेली गद्दारी आहे. उपमुख्यमंत्री देवेंद्र फडणवीस यांच्याशी केलेली गद्दारी आहे. या सर्वांशी कृतघ्नपणा आमदार रणजितसिंह यांनी केलेला आहे. त्यामुळे लवकरच भाजपाकडून कारणे दाखवा नोटीस मिळणार असून आमदार रणजितसिंहांची भाजपातून हकालपट्टी करण्यासाठी भाजपा कार्यकर्त्यांतून जोरदार मागणी होत आहे. निवडणूक कालखंडात वातावरणात
सर्वजण व्यस्त असल्यामुळे आक्रमक कार्यकर्त्यांना पक्षश्रेष्ठींनी “वेट अँड वाँच”चा सल्ला दिलेला आहे.
मात्र माळशिरस तालुक्याच्या राजकारणात खूप मोठी
उलथापालथ होण्याचे संकेत राजकीय गोटातून मिळत आहेत.