ज्या फांदीवर बसायचे तीच फांदी तोडायची हा शेखचिल्लीचा गुणधर्म आहे. त्याप्रमाणेच रणजितसिंह मोहिते पाटील हे भाजपाने दिलेली विधानपरिषदेची आमदारकी उबवत भाजपाच्याच विरोधात काम करीत असल्याने रणजितसिंह मोहिते पाटील हे आधुनिक शेखचिल्ली आहेत अशी जनतेतून चर्चा होत आहे.

काही अतिउत्साही कपाळकरंटे रामभाऊ सातपुते व रणजितसिंह मोहिते पाटील यांचे मूल्यमापन करताना रणजितसिंह मोहिते पाटील म्हणजे जणू खूपच मोठे प्रस्थ आहे, आणि रामभाऊ सातपुते हे बाहेरुन येऊन रणजितसिंह मोहिते पाटील यांच्या जीवावर आमदार झाले असे चित्र रंगवले जात आहे. हा त्यांच्या रोजीरोटीचा प्रश्न असू शकतो. पण वास्तविक चित्र पाहिले तर रणजितसिंह मोहिते पाटील यांचे स्वकर्तृत्व काहीही नाही. शून्य म्हटले तरी वावगे ठरणार नाही. कारण ते सोन्याचा चमचा तोंडात घेऊन आलेले व माजी उपमुख्यमंत्री विजयसिंह मोहिते पाटील यांच्या नावामुळे ते राजकारणात तग धरु शकले. आपल्या बंधूप्रेमासाठी स्व. प्रतापसिंह मोहिते पाटील यांनी रणजितसिंह यांचे राजकीय प्रस्थान केले. तर विजयसिंह मोहिते पाटील हे राष्ट्रवादी काँग्रेस पक्षातील बडे नेते असल्यामुळे रणजितसिंह यांना मोठ्या संधी उपलब्ध झाल्या. त्याचे ते सोनं करु शकले नाहीत हा भाग निराळा! दोन चार चमचे सोडले तर ते कुणाच्याही संपर्कात नसतात. मग जनतेची कामे दूरच. मात्र रामभाऊ सातपुते हे विद्यार्थी दशेपासूनच विहिंपच्या माध्यमातून भाजपाचे निष्ठावंत कार्यकर्ते आहेत. म्हणून तर मोहिते पाटलांनी आपल्या वैयक्तिक स्वार्थापोटी राष्ट्रवादी काँग्रेस शरद पवार गटात उडी मारताच रामभाऊ सातपुते त्यांच्या विरोधात आक्रमक झाले होते. रामभाऊ सातपुते हे संघर्ष करीत, आंदोलने करीत घडलेले नेतृत्व असल्यामुळेच आमदार झाल्यानंतर त्यांनी पाच वर्षांत संधीचे सोने केले. आपल्या कामाच्या माध्यमातून ते माळशिरस तालुक्यातील जनतेच्या गळ्यातील ताईत बनले. भारतीय संविधानाच्या माध्यमातून भारतातील कुठलाही मनुष्य कुठूनही निवडणूक लढू शकतो, तो त्याचा संविधानिक अधिकार आहे. परंतु रामभाऊ सातपुते हे माळशिरस तालुक्यातून आमदार झालेले प्रस्थापितांच्या दलालांना सारखं झोंबतंय. कारण आपल्याला मिळालेल्या सत्तेच्या माध्यमातून त्यांनी प्रस्थापितांची मक्तेदारी मोडीत काढून जनहितांच्या कामांना प्राधान्य दिले आहे. आणि ते मोहिते पाटलांच्या ताकदीवर आमदार झाले असले तरी त्या बदल्यात भाजपाने मोहिते पाटलांना ऊर्जितावस्था मिळवून दिलीय. मग रामभाऊ सातपुते यांच्यावरील उपकाराची भाषा त्यांना कशी शोभेल? कुंकू एकाचं आणि सुहागरात दुसरीकडे हे कसं चालेल? ज्याचं कुंकू लावलंय त्याच्याशीच संसार करायचा असतो. तसे नाही झाले तर बदफैली म्हणूनच लोक त्याच्याकडे बघणार. राजकारणातही तसेच आहे. तुम्ही जो पट्टा गळ्यात अडकवलाय त्याच्याशीच प्रामाणिक राहिले पाहिजे. पण गाठ एकाशी आणि समागम दुसऱ्याशी म्हटल्यावर लोक ओरडणारच! रामभाऊ सातपुते यांचं काय चुकलं? रणजितसिंह मोहिते पाटील हे भाजपाचे आमदार असताना त्यांनी राष्ट्रवादी काँग्रेस शरद पवार गटाचे उमेदवार उत्तम जानकर यांचे काम केले. मग त्याबदल्यात रामभाऊ सातपुते यांनी त्यांची आरती करावी का? भाजपाचे आमदार असताना रणजितसिंह मोहिते पाटील लोकसभा व विधानसभा निवडणुकीतही पंतप्रधान नरेंद्र मोदी यांच्यासह दिग्गज पक्षश्रेष्ठींच्या स्टेजवर आले नाहीत. विधानसभा निवडणुकीच्या पार्श्वभूमीवर साताऱ्यातील भाजपाच्या एका आमदाराला राष्ट्रवादी काँग्रेस शरद पवार गटात येण्याचे आवाहन करतात. त्यांचे हे कृत्य ज्या फांदीवर बसायचे तीच फांदी तोडायची या शेखचिल्लीच्या प्रवृत्तीसारखीच आहे. मग अशी रणजितसिंह मोहिते पाटलांसारखी आधुनिक शेखचिल्ली भाजपाने का पाळावी? असा प्रश्न निष्ठावंत भाजपाच्या कार्यकर्त्यांतून विचारला जात आहे.
गौतम भंडारे, संपादक, साप्ताहिक बंडखोर
मो. 7498827350/9529602295